حضرت امام علی علیه السلام

نوحه و مرثیه ترکی
نویسنده : غلامرضا نورمحمد نصرآبادی - ساعت ۱۱:۱۸ ‎ب.ظ روز ۱۳٩٥/٦/۱۸
 

 

یارالار سینونده قارداش، گل گلستانه بنزر

آغاریب منیمده زلفوم، چمن خزانه بنزر


یارالار سینونده قارداش، گل گلستانه بنزر

آغاریب منیمده زلفوم، چمن خزانه بنزر

 

نئجه شرح ائدیم برادر باشیمین مصیبتیند‌ن

کی گوروندی بیر نمونه بشرین قیامتیند‌ن

نئچه ساعتین ایچینده، غم و جور شدتیند‌ن

باجوون رشیده قدی، اگیلیب کمانه بنزر

 

نئجه زینبون رضادیر، سنی یاندیرا حرارت

بیلیسن کی سایه‌بانه، یوخ الیمده استطاعت

بو مکاندا دود آهیم، ائلئیر منه حمایت

کسر ایستینین قاباغین، سنه سایه‌بانه بنزر

 

بو جنازه‌لر کی باشسیز توکولوبدی ریگزاره

نه جلالیلن سالیبلار، سنی دوره‌د‌ن حصاره

اولارین باشی جداده، دوزولوبدی چون ستاره

وسطینده قانلی باشون منه آسمانه بنزر

 

سن اوشاقیدون، اوپردی اورگون ابام پیمبر

بو  یئره دییردی بیر گون دیه‌جک یارا مکرر

گورورو دگیب کئچیب اوخ، سورا سانجیلیبدی خنجر

بو یارا بابام محمّد، دئدیگی نشانه بنزر

 

جگرونده  وار حسین جان، علی اکبرین یاراسی

ئور‌گون قانیلا سیراب، اولور هر  زمان بناسی

دوشجکدی شرق و غریه، او یارانین انجلاسی

تر و تازه دیر همیشه، گل  ارغوانه بنزر

 

او زمان گور‌نده شمرین قانا خنجری بویانمیش

حرمون، باجون ، کنیزون، باشیوا  گلیب دولانمیش

قاچا قاچدا بو مکانه او قد‌ر آیاق توخانمیش

کی کنار قتلگاهون، ره کاروانه بنزر

 

بالاجا قیزون رقیه، او عزیزه نازدانه

دولانیبدی آت دوشونده ، ئور‌گی دونوبدی قانه

یوزونه دگیبدی سیلی، باشی اوسته تازیانه

سارالیب سولوبدی رنگی، ساری زعفرانه بنزر

 

سن ای آفتاب عزت، ائله نیزه‌د‌ن نظاره

نئجه گور بیزه ایشیق گون ، گئجه تک لولوبدی قاره

هامی اختران عصمت، دوزولوبدی بیر قطاره

ره قبله‌نین دلیلی، صف کهکشانه بنزر

 

ئور‌گیم باشین آلاندا، غم و محنتون سحابی

او بیلیر عزالیام من، یوزومه سپر گلابی

توکولور سرشگ چشمیم، یئره ایسلادیر ترابی

گوزومون یاشی آخاندا، مژه ناودانه بنزر

 

گز‌ر‌م بو گلستاندا، گلنی صفالی گورر‌م

آچیلان گلون ایچینده، دوزولن تیکانی درر‌م

قطرات اشگیم‌ ایله گله ؛ گلشنه سو  وئرر‌م

گوره‌سن وفالی زینب، نئجه باغبانه بنزر

 

دل یحیوی ده دائم اولی جلوه‌گر بو نیت

گینه بیر گئجه جمالون یوخودا ائده زیارت

بیلیسن کی آشیانی نه قد‌ر تاپار شرافت

دولانور سرای مسکین، او گئجه جنانه بنزر


 
 
نوحه و مرثیه ترکی
نویسنده : غلامرضا نورمحمد نصرآبادی - ساعت ۱۱:٠٢ ‎ب.ظ روز ۱۳٩٥/٦/۱۸
 

 

 
 

منیم پناهیم امید‌گاهیم، دایان حسینیم سنه سوزوم وار

اوپــوم ایاقون یانـان ددوداقون، امان حسینیم سنه سوزوم وار


منیم پناهیم امید‌گاهیم، دایان حسینیم سنه سوزوم وار

اوپــوم ایاقون یانـان ددوداقون، امان حسینیم سنه سوزوم وار

 

دایــان بـــراد‌ر عــزیــز مــاد‌ر، گلیـر دالـینجـا پیـاده زینب

هـارا گئدیرسن؟ شتاب ائدیرسن، قالوبدی بحربلاده زینب

نـه چــاره ائیلیــم یانـیـر بـو قلبیـم، چکیبدی درد زیاده زینب

وداع آخر توقف ائت بیر، زمان حسینیم سنه سوزوم وار

 

باجووا لطف ائت بیر آز دایان گئت، اماندی قارداش آماندی ئوللـ‌م

گـوزومده یاشیـم آغـاردی باشیم، غمیم بیلیرسن گراندی ئوللـ‌م

اییلدی قدیم، یارالی قلبیم خـد‌نـگ ظلمــه نشاندیـر اوللـ‌م

تـرحم ائیلــه آتــووا وئرمه، عنان حسینیم سنـه سـوزوم وار

 

بــو غمــده قیــزلار غمه گرفتــار، حرمسـراده قالیبـدیـر آغـلار

او فوجی آیــا بــو چــولـده تنهــا، بلالـی زینب نه نوعـی ساخـلار

تعـجــبیـم وار مگـــر آتــالار، بالالارینـــی بــو نحـــوی یـــوخــلار

کومکلری یوخ، بلالری چوخ، اینان حسینیم سنه سـوزوم وار

 

اگربـراد‌ر قــییتمـاقیــن وار، او کهنــه کـوینــک ندیـر بـد‌نـده

ئورک سیخیلدی ایویم ییخیلدی، او کوینـ‌گی سن آلیب گینده

منــه بس اولـدی، مشخـص اولدی، سنـی سویارلار یقیـن ئولنده

همیشه مغموم همیشه مظلوم، اولان حسینیم سنه سوزوم وار

 

قیــزون رقیــه دییــنــده عمـه، هـانـی بابام بس ائـــدیم نـه چـاره

نئجــه دئییــم مــن گئــدیبدیر الان، خیامــه گلمـ‌ز بابــون دوبــاره

او باغــری قـانـــلار او آغــلیـانــلار، بـالالارونـــدور ائـــدیـــر نظـــاره

آتیب گئدیرسن اوْلارا سن سن، گومان حسینیم سنه سوزوم وار